Federasiyanın yeni web səhifəsi hazırlandığı üçün hal-hazırkı saytımızda kifayət qədər məlumat yerləşdirilməyib. Tel:(+99455) 275 17 15, E-mail: azeorienteering@gmail.com.
 
 
 

Neft, qaz, kimya sənayesi işçilərinin açıq yarışna yekun vuruldu

 

     Bu gün "Neftçi İdman Klubu" İctimai Birliyinin rəhbərliyi ilə səmti müəyyən etmə idman növü üzrə “Velopark” ərazisində  Neft, qaz, kimya sənayesi işçiləri və digər təşkilatlar arasında açıq yarış keçirilmişdir. Yarışı giriş sözü ilə açan Neftçi İdman Klubu İB-nin Kütləvi bədən tərbiyəsi üzrə idman şöbəsinin meneceri Akif Məmmədov iştirakçıları salamlayaraq onlara uğurlar arzulamışdır. Çıxışdan sonra AR Səmti Müəyyən Etmə İdman Federasiyası tərəfindən elektron qeydolunma sisteminin tətbiqi ilə ilk dəfə olaraq keçirilən yarışa  start verilmişdir.

 

      Təxminən 70-ə yaxın idmançının qatıldığı yarışda fərdi hesabda K21 kateqoriyası üzrə kişilər 3.2 km məsafəni qət edib 16 NM-də qeyd olunma idilər. Gərgin keçən yarışda Şənlik Fətəliyev (Daxili Qoşunlar) bütün rəqiblərini arxada qoyaraq finiş xəttinə birinci çatmışdır. Qalibdən təxminən bir dəqiqə geri qalan Vladislav Tuzov (Alp klub) ikinci, Süleyman Əliyev isə üçüncü yeri tutmuşdur. Qadınların yarışında isə  Elina Çerpokova (BSU Litsey) verilmiş 2.1 km məsafə üzrə 12 nəzarət məntəqəsində qeyd olunaraq fəxri kürsünün ən yüksək zirvəsinə yiyələnmişdir. Tatyana Qəniyeva (Alp klub) ikinci, Yuliya Karabut (Ukrayna) isə üçüncü olmuşdur. 

 

     Neftçinin daxili komanda yarışında isə Maddi Texniki Təchizat İdarəsinin komandası 96 xal ilə bütün rəqiblərini geridə qoyaraq birinci olmuşdur. Qalibdən 6 xal geri qalan Mədən Geofizika komandası ikinci, H.Əliyev adına Bakı Neft Emalı Zavodu isə üçüncü olmuşdur. (ümumi nəticələr)

 

      Sonda qaliblərə diplom və qiymətli hədiyyələr təqdim edilmişdir. (foto arxiv)

     

     Facebook-da biz.

 

 

 

SMEİF